老仙人掌，根頭已經木質化，花愈開愈少，思考後決定胴切。

切斷後將根頭擲挕捔(tàn-hìnn-ka̍k)，留頂面的部份，

囥咧陰涼通風的所在，一禮拜後傷口就焦矣，

才共種落盆塗內毋免沃水，只要共仙人掌噴澹就好，

一工噴一擺，大約兩禮拜後才沃水，助伊發(puh)根。

阮用心照顧三冬，今年終於結花莓，連紲開花。

阮種仙人掌20外冬，是生活中做議量的，加減累積一寡經驗，

感覺胴切是予老欉的仙人掌閣返少年的好方法。

早年嘛捌有失敗過的例，後來知影問題攏出佇沃水，所以：

1. 胴切後傷口要囥予自然焦。

2.佇種落盆塗後千萬毋通沃水，因為無根無法度吸水，

若沃水會造成腐爛，要先逐工共仙人掌噴澹就好，

伊會對刺來吸水，然後就會慢慢仔發根活起來。

minda 2025.6.29 

附註：

1、胴切：是一種以切割莖部來進行多肉植物繁殖的技術。

   這種方法不僅能用於多肉植物，也適用於其他植物。

2、 擲挕捔(tàn-hìnn-ka̍k)：丟掉。

3、做議量(tsò/tsuè-gī-niū)：消遣、排遣。排解愁悶、消磨時間。