Contents ...
udn網路城邦
天頂送來兮
2006/05/25 08:18
瀏覽1,041
迴響3
推薦21
引用0

幾落工前置菜櫥仔內,看著半包米粉,已經囥置彼真久。下晡去提茶米兮時袸,半包米粉猶原置的。突然間若親像鼻著卡早家後炒米粉兮香味,一時陣即足肖念耶。都都五點過,新婦也擱愛一點仔久遮會到厝。打開冰箱一咧看,雞禽胸、紅菜頭、洋芹菜、金鉤蝦、大白菜、蔥仔,看起來配頭有夠最,著加提出來洗洗切切的,一屑仔久,一鼎米粉就炒好囉。

新婦返來,看著麻真歡喜,伊紲落擱款兩三項菜,一齣豐富兮暗頓著捧將桌頂。煎牛排、番茄明蝦、撒菠菱仔菜佮我炒兮米粉。後生呷一喙米粉著講:「遮米粉足相阿嬤炒的。」憨孫的聽無斟酌,紲落講「是阿嬤對天頂送來兮喔。」歡喜甲目珠攏會笑。伊講:「維維兮把拔麻對海上寄尪仔物返來乎伊。」看幼囝仔大喙吃米粉,大儂攏總真歡喜。問新婦那會彼都好:一個對天頂送來,一個對海上寄來。聽新婦解釋即知原來維維尹老爸置上海作空課。

想起古早時,阿母定定打阮兮笑K,講阮兩個尪仔某一個披衫一個摯竹篙。細漢兮時爸母疼囝,攏毋乎阮去灶腳渦渦纏。娶某了後,攏愛綴前綴後看儂煮食,學淡薄仔手路。今馬若序細一半擺仔無置厝,麻免驚會去乎枵著。

呷暗飽,貼置交椅歇睏,新婦捧一杯金桔仔茶行到身邊。喙是笑微微,目頭帶憂愁。輕聲細細對阮講:「阿爸請您愛小夸忍耐卡久一屑仔,不通擱去傷著即袜干苦。」阮聽著目屎含目墘,緊佮講後擺阮會恰小心,不甘伊煩惱。接過參蜂蜜兮金桔仔茶,啜一喙甜甜酸酸兮口味,喉甘心也溫暖。新婦的賢慧善良,是囝兒一世朗兮幸福,阮也憑伊兮福氣(託他的福)得著好照顧。勸作儂兮翁婿愛好好體貼某的辛勞,家庭即會完滿。

有誰推薦more
全站分類:心情隨筆 雜記
自訂分類:不分類
上一則: 流轉
下一則: 生命的獻禮

限會員,要發表迴響,請先登入
迴響(3) :
3樓. 溰禕(寂靜止語)
2006/06/24 06:11

情多:

謝謝您閱讀,我也是看很多人寫台語,覺得生長在台灣,不會台語文有些慚愧,才剛開始學咧,蠻有趣的,您也可以試試喔。


深居竹廬 . 靜聽清流
2樓.
2006/05/27 16:20
有趣的文字

看這篇文章,愈看愈像在看常文的文字,果然,她在最後的回應欄裡出現了。

哈哈,金趣味~

1樓. 常文
2006/05/25 13:12
...

哇 !

真豐沛....

佳哉

我已經食飽....