Contents ...
udn網路城邦
生命的獻禮
2006/05/13 17:17
瀏覽1,092
迴響2
推薦16
引用0

今仔日又擱是母親節。自從阮細漢兮時陣,逐年遮耶日子,阿母攏會僎一寡四果生花,帶阮作夥去圓通寺燒香,祭拜阿嬤。一直到阮成年、成家,換阮參某囝駛車,帶阿母去燒香。遮咧現此時看起來真平常的代誌,置阮一生中攏總毋捌斷過。

記智中,自出世大病小病紲咧來,真罕咧停過。阿母講阮是不願出世兮幼嬰仔,阿姐嫌阮配頭真濟。父母晚年得子,老爸對阮是惜命命。尚辛苦兮是阿母、奶母佮阿姊輪番日夜專心照顧,一擺擱一擺,對死神兮手中,將阮搶倒返來。

記智尚深兮是三十九歲彼年,在昏昏沉沉彌留中,愛妻牽著阮兮左手,深情兮眼神,欲語還休,幼囝仔撫著阮正手爿兮肩胛頭,直直叫「爹地,精神」。阮用盡力勉強撇開目縫。看著遠遠阿母徛佇房間門邊,含著目屎,毋願踏入來,敢是毋甘心白髪人送黑髮人。細漢兮時厚病痛,阿母時常會佮阮講:「呷過六十,著未互人講夭壽。」

今仔日擱是母親節,後生參某囝帶阮去燒香祭拜阿嬤阿祖,遮擺,阮準備送給阿母兮是阮進入六十歲:生命的獻禮!


後言:佛說敬天下女人皆如我母,天下男士皆如我父。溰禕的生命除了近在我身邊的四位偉大的女性,還要感謝所有的醫生、護士、親友、師長、學友、同仁、及所有一切人、有情眾生的扶持。願法界一切眾生安祥和樂。

有誰推薦more

限會員,要發表迴響,請先登入
迴響(2) :
2樓. 常文
2006/05/16 21:57
.....

原來你是去練.....

功夫....台文進步神速..........

讚嘆 .讚嘆 非常讚嘆...........

1樓. 野口女
2006/05/14 18:45

意思的台語文...