早上：
突然想起 Nisa 姐姐﹝好錫 AhB 果個泰國姐姐 對泰傭情有獨鐘 我們都是一家人(1)﹞做的泰式魚蓉撈米線 ......
米線出水瀝乾捲成小團，配以由她秘製，攪足大半天，蒸好紅衫魚拆肉做主打材料，加進十種八種我都唔知係乜的泰國植物和揶漿打成醬、再落矮瓜仔和九層塔，然後以鹹菜絲、青豆角粒、及牙菜仔來撈米線吃，登時口水直流。
想做就去做。 ehh ...... 一方面唔記得確實材料，另一方面本地應該無得賣，但都想 refresh 一下個 recipe。 立即同媽咪一齊打電話番香港俾佢 ...... 一聽到我叫佢開心吃笑，話佢也正想打電話同我傾下偈。
先互相問候﹝都講左好耐﹞，然後入正題。
如我所料，Nisa 講的東西﹝好多係泰文
﹞呢度無得賣。 於是我講出我的構思，用家中現有的材料發揮，問她意見。 她聽完之後覺得除了一些特別香料外，都幾像，鼓勵我一試 ......
魚蓉：罐頭魚、紅咖哩、檸檬葉、揶漿、泰國矮瓜仔
配菜：鹹菜、青豆角、牙菜 、青瓜、紅綠燈﹝燈籠椒﹞
米線：有存貨
下午：
今天墟期，稍後會出去買水果蔬菜，順便過去 Oriental Spice Shop 看一看有無泰國矮瓜仔及金不換/九層塔 ﹝Sweet Basil﹞。
該店由菲律賓人開設，賣有中、菲、泰、日等食品和調味品，規模較小，但也可止得咳。
...... 哈、哈、哈！ 果然在 Oriental Spice Shop 買到九層塔同矮瓜仔，所以索性買新鮮三文魚去襯托佢 ......
晚上：
我第一次整：成功左，舉家歡騰，因為同 Nisa 姐姐整果D一樣咁好味，甚至好味D，因為用左新鮮三文魚！
以下為食材大檢閱﹝紅綠燈未入鏡﹞，由左至右看，由上而下數 ......
左一直下三樣： 檸檬葉、矮瓜仔、鹹酸菜
左二直下三樣： 金不換﹝九層塔/sweet basil﹞、牙菜仔、三文魚
左三直下四樣： 青瓜、青豆角、椰漿/粉﹝用水開成漿﹞、紅咖哩
最右兩包紛： 上為通心﹝米﹞粉，下為江西米線
以下三種泰國植物都係好好食架。 檸檬葉、矮瓜仔、九層塔 ......
九層塔剪好，沖洗備用﹝食之前才放入煮好的魚蓉﹞ ......
檸檬葉﹝從冰櫃拿出，室溫自然解凍，和新鮮無異﹞反轉對摺，把葉片撕出，切幼絲再切成小段，放入魚蓉一齊煮 ......
矮瓜仔由於一切開會變黑，所以在打好魚蓉之後才即切即放入去煮。 實在太經貴，所以對開、對開、又對開咁切成好多粒 ......
三文魚彈手清香，好新鮮，不過都要落鍋煮熟 ......
煮好壓碎，加進紅咖哩及檸檬葉然後轉過去攪拌器 ......
加入椰漿打暈﹝勻﹞佢 ......
打勻以後放回煲內，加矮瓜煮滾 ......
放入九層塔以後，泰式咖哩魚蓉便大功告成 ......
同一時間，D蔬菜亦要逐步準備。
青豆切去頭尾，洗好瀝乾，切成小粒，過一過熱水﹝好快果隻，10秒鐘﹞ ......
其他所有蔬菜大部分都如是。 由左至右豆角、鹹酸菜﹝可免出水﹞、牙菜仔、紅綠燈﹝整果陣唔見左個紅椒
﹞ 同青瓜﹝可免出水﹞ ......
另外，米線又要浸煮。 水滾放入米線，再滾起便熄火焗軟。 這是孖人鑊，底部吸了熱力會慢慢釋出。 其他的鍋都可以咁做，焗的時間要長一點 ......
要否過冷呢？ 這個問題有點困難。 過左冷便不能捲成這個樣，會散。 不過冷便要快吃，否則會黏埋一齊。 看是否即食來決定吧。 這次即食，沒過冷，以叉捲成小團 ......
另一款米粉：通心粉，同時登場，彈牙爽滑，食完米線食呢隻，非常過癮 ......
Ladies & gentlemen, Szechung's 泰式咖哩魚蓉米線 ......
AhB：我等唔切啦 ......
