今日約了該廖姓茂利下午 1630 時在白加士街麥當奴見面。

原來 Convoy 的 Diana 昨晚及今早兩度留言，話說要向我解釋該公司如何取得我的聯電話云云。

覆佢，但卻要迫我講出先前佢公司有某人打比我的電話號碼，「方可查證」咁話﹝妖，即係講唔出點樣以不誠實手法得到我的聯絡資料啦！﹞，重話佢公司「法規部」打算報警，話有人冒「康宏」之名，電話騷擾我，又再問我要進一步個人資料咁話﹝超勁低B，你又用屎橋 TUM 我？﹞。

我又即時著燈，狂掃該名戴安娜，炳她歪曲事實、逃避責任、本末倒置，重問佢有無電話錄音，記低佢公司幾無賴！

實情係有電話 3601516x 從佢公司打出聯絡我，後來我打幾次過去都係遺言信箱﹝電話系統取線難以追查，但從「康宏」打出的電話就鐵証如山！﹞，以為我係一個貪心 ge 香港人，呃我見佢果 D 二打六財務顧問！

問佢公司用咁低 B ge 方法呃人覺唔覺得醜。 以佢繼續從容狡辯來看，佢好似唔識寫個「醜」字 lor ......

報警？ 鬥快！白加士街屬油麻地警區，一於踩落去。

1500 時到達油麻地警署。 嘩，咁熱鬧 ge？ 見佢中更剛接更，應接不暇，坐下以手帳電話起這篇稿。

到我啦 ...... 沒到三句，沙展便道出這廣為人知的一般騙徒手法，講晒果 D 例牌菜困難出來，話差人都做唔到野，就打發左我走，不過都有提醒我唔好簽任何文件：

1. 佢地背後有律師，不會蝕招
2. 佢地無用武力強迫人簽約
3. 客人無實際損失
4. 警方都唔知可以引用乜法例，同埋可以告乜

無奈 ...... 食完「香港仔魚蛋粉」的「紫菜片頭米」及「通菜全走」之後，去左麥當奴對面，一面睇洗頭水，又一面睇下條茂利乜野材料。

準時 1630 時打比佢，問佢身在何方。 答說在中環見客，托他的同事「吳先生，手電 9820xxxx」把船飛送給我。

1632 時吳先生打比我，知道我唔係羊牯，求其點我落佐敦地鐵站票務處旁邊交收。反正我心中有數，即管比佢點多次，務求取得佢身份資料。

一見面 ，無問到「我亞媽係唔係女人」 ...... 就立刻送上兩張背後寫上各種附加收費的搞笑贈券：果然係一張「適時旅遊有限公司醒目假期」的「豪華郵輪海上假期優惠券」及多左一張「深圳南澳吃喝玩樂一天遊 VIP 邀請券」！

淡然問點証實佢係「康宏理財」的人 ...... 個更加死蠢好快咁 MANG 左張名片比我，手電相符，重叫我有需要就打比佢 ......

立即又連環砲發炳他，話佢知果間垃圾「康宏理財」竟然棄卒保帥，要報警話有人冒認佢自己友電話騷擾我，真係厚顏無恥，喪盡天良。 其他等佢自己想像！ 見佢擘大左個口，咁、咁、咁之後 ...... 哎也！ 唔記得睇下佢條褲有無濕到，已勁如疾風般消失於人群中 ......  

打了幾段言詞凌厲的投訴電郵 ...... 都係算把啦，刪掉，費事再傷神。 索性打電話比生果日報，有晒証據，睇下佢地有無興趣攪攪佢。

呢個故事教訓我地，唔好做一個貪心 ge 香港人，但安全情況底下，不妨做一個好奇的香港人，以身犯險，再現身說法，警醒世人 ......

*****************************************

後記﹝一﹞： Blog 友朱太話 ......