昨暝十一點電腦關掉拄欲入去睏。

看著手機仔哥哥打來的電話，抑未接我就知影一定是阿爸有代誌。

果然,,,,發燒38.8欲送院。

哥哥講小弟仔的電話打袂通，叫我打看咧

.....  ......  ........

電話打了、閣傳簡訊共姊妹怹講。

舞甲來12點外....

欲睏的時翁婿咧睏，我無切大葩火，想欲入去才切細葩的檯燈。

都抑未切咧，人摔佇眠床前，頭摃唯眠床座的邊仔，哎一聲倒佇眠床跤，翁婿聽著切火看我倒佇塗跤，問我有要緊否？我應講應該是無要緊。

倒佇遐，想講若會當自按呢去...嘛真好。

事實講，人生的酸甜苦澀啥滋味無食過？續落去的人生驚仔是苦的較濟過甜的啊。