柳丁園像雪花的柳丁花又閣開矣 

像往過幾何年來共款 

下班特工踅唯有柳丁園的小路轉來 

貪愛柳丁花芳味 

但是 ….今年花芳走去覕？！ 

毋是、是我的鼻仔失靈。 

…..  ….  ….

頂工囡仔開車 

載我佮怹老爸去懷恩堂拜婆婆 

回程經過一坵柳丁園 

翁婿講：真芳。 

彼時柳丁花開無幾蕊 

我一點仔都無鼻著 

自細漢就有鼻仔過敏症頭的翁婿 

竟然鼻有 

我想、我的症頭真重矣 

….  …..  ……

舊年發覺鼻無花芳味時 

去找中醫開一帖藥仔 

都抑未食完鼻仔就通矣 

今年食過幾何畷、猶是無味覺。 

….  ….  ….

人生擁有的物件 

正一點一滴還諸天地 

連最最親愛的阿娘攏會無去 

敢閣有啥袂當失落的？ 

今夜的目睭澹澹 

敢是為著鼻無柳丁花芳味？抑是想起阿娘伊？ 

原因是啥？好像嘛無蓋重要矣！