超過100秒的紅燈跤會有啥代誌發生？

透早上班時，青燈佇我到位前變紅燈

這咧路口有五條路，所以紅燈會等足久足久

久甲超過100秒，雖然紅燈計時佇99秒才開始算；開始計時進前已經等真久矣！

真無聊的等待，一粒頭斡東斡西、一對目睭看遮看遐.....突然間一聲大大聲的：「啊！」

一台轎車參一台機車差一點點仔就弄做伙，莫怪有人驚甲叫赫大聲。

其實逐家攏戴喙掩；若毋是彼咧查某囡仔歹勢歹勢用手掩面，我嘛毋知影是伊喝彼聲：「啊！」

........     .............    .............. ..........

盈暗閣去提藥仔，共醫生講真厚夢，閣有[鬼壓床]的睏眠障礙。

醫生講奚是內心有驚惶的記智，去承認家己咧驚啥、毋是定定騙家己啥乜咧【人定勝天】

我共醫生講：暗時仔家己毋敢去厝裡的二樓。

伊講：按呢就閃開暗時莫去二樓、毋是去勉強家己愛勇敢。

伊講伊驚狗，伊總是閃開狗仔、毋是勉強家己去愛狗。

這咧觀念真好。

。。。

這予我想起佛冊內底彼句話：深信自身是生死凡夫。.

凡夫就是會面對家己無才調解決的問題.......