(台語文師資培訓)

        研習台語 (高o / 沽oo字韻)

        台語研習班開課           機會難逢莫錯過 

        趕緊報名讀這科          文化傳承才有靠

        學員準時來報到          逐家鬥陣拍拼學 

        學習台語趣味多          咱的文化真是寶

        研習台語這條路          愛對拼音來起步 

        彙音台羅逐逐悟          背予牢腹基礎固

        語彙語辭記入簿           加聽勤寫毋驚苦 

        台語寫作有撇步          老師教示未錯誤

        傳統的詩上界好           吟唱平仄分清楚 

        輕柔穩重無潦草          志津音調人欣慕

        研習台語的路途          鹹酸苦飷攏愛度 

        台語文化咱著顧           毋通失傳天反烏

        復興台語如種豆          咱愛發心認真做 

        文化種子播落土          來年豐收滿倉庫

                                                                                                                              minda 2006.5.12