走揣"風滾草" - 阮澎湖叫做"鳥鼠草"。

聽鄉親講這兩三年來，澎湖的海邊才發現有"鳥鼠草"。

誠好奇 ! 一時心適興，佮五弟一家相招，彼下晡就出發，

對家己村庄的海邊揣起，連後一庄揣過一庄......，揣kah欲暗仔，

哈 ! 終於揣著矣 ! 逐家歡喜kah大聲笑哈哈，

抾真濟提轉厝裡排咧看媠。

(minda 201709)

佇海邊仔走揣，五弟上頭先看著。

弟婦仔佇海裡揣著足濟粒。

提予牢喔 ! 若飛去就逐未著矣，伊會綴風直直走(俗名: 風滾草)。

阿元雙手若提鼓仔燈。

 

揣著矣 ! 原來是生做按呢 。

*(網參)  中文名稱：濱刺麥 

學名： Spinifex littoreus (Burm. f.) Merr.

科名：禾本科 (Poaceae)濱刺麥屬 (Spinifex  )

別名：老鼠力、貓鼠刺、濱刺草、濱刺麥

分布：全島海濱沙地。

莖：多年生草本、莖桿

葉： 線形，剛硬，末端針刺狀

花：雌花毬狀，雄花序成繖形

果實：具多數小穗和短尖頂端；穎和小穗等長或較短。

特徵：莖稈木質化，匍匐蔓延，各節間均可生根，葉刺針狀，

雌花序為圓球形。

當這草仔是寶，有紮幾粒仔轉來台中。

「濱刺麥」，是極為優良的防風定沙植物，全省海岸沙丘攏有生湠。

濱刺麥有「公株」佮「母株」之分，

佇沙地有一區攏是公株，就有一區攏是母株，

種子成熟的時，花毬會自花梗先端的關節處斷裂，

隨風滾動，種子就沿途散佈生湠。

阿元的，這粒真大誠媠，囥咧冊桌頂陪伊做功課，阮共提來翕相。

排佇樓梯，真特殊。

阮後生的台東原民同學用這草佈置，誠有氣氛。