遊台灣

台視 陳亞蘭歌仔戲「嘉慶君遊臺灣」片尾曲

唱出台灣的特色、包括台灣的風情、各地地方的腔調、台灣夜市與傳統美食融合在一首歌裡面！真的非常有趣，也非常有創意。

歌詞

亞蘭：咱寶島古早是叫做大員　地名咧號有真濟款　風⼟民情緊報你知　南北⼆路攏有流傳

雅雯：東港佇屏東出海產　⻄港台南有炊⾁圓　港其實是佇台北　北港媽祖佇雲林縣

亞蘭：嘉義新港有奉天宮　彌陀舊港有三千宮  中港免講嘛佇台中　大港小港攏佇高雄

雅雯：美麗的寶島是台灣　⼈講上媠的風景就是⼈　各地的腔⼝愛聽分明　南腔北調攏嘛無相仝

雅雯：你是誰(siáng)　 　            亞蘭：彼是台北人

雅雯：你是誰(siâng) 　              亞蘭：彼个雲林人

雅雯：你是誰(tsiâ)　　　            亞蘭：伊是彰化人

雅雯：啊你是誰(suî)　 　            亞蘭：在下古早⼈

雅雯：食飯(puínn)配滷卵(nuī) 　 亞蘭：是宜蘭人

雅雯：查埔(pio)查某(bió) 　 　   亞蘭：彼是金門人

雅雯：啊你咧乜(bín)代               亞蘭：是阮澎湖人

合唱：講話無相𫝛(sann sâng)是鹿港⼈

合唱：現代的寶島是台灣　山珍海味是蓋齊全　你若有閒緊隨我來　各地名產我攏有攢

雅雯：綴我來夜市你就知　各種的口味是⾜厲害　世界有名是珍奶　　鄉民上愛請人食雞排

亞蘭：佮我來廟⼝踅老街　正港的滋味是有夠濟　芋粿甜粿菜頭粿　　內行的來食桶仔雞

雅雯：當歸鴨、擔仔麵、蚵仔麵線摻芫荽

亞蘭：潤餅𩛩、虎咬豬、麻油雞是古早味

雅雯：烘番薯、煠番麥、鹽酥雞配冬瓜茶

亞蘭：豬⾎粿、燒酒螺、臭豆腐配冰豆花

雅雯：紅燒鰻、⽩菜滷、燒酒蝦佮⽺肉爐

亞蘭：蚵仔煎、鼎邊趖、米粉炒佮筒仔米糕

雅雯：來夜市氣氛有夠好、有食有掠算會和

亞蘭：咱廟口四界攏是寶，有保庇閣好𨑨迌

雅雯：人講拍拼就趁青春 亞蘭：抑若想欲𨑨迌就趁這陣

合唱：逐家鬥陣來遊台灣　 　　　袂輸若皇帝咧出巡