*****娘親渡子(客家歌)....客家經典之作*****

1…「娘親渡子」..客家歌

     娘親渡子是客家傳統山歌經典作品。

     開頭以苦情平板，聽得使人目汁瀾泔，一直到"靈前該果子就件件在，

    又ㄇㄟ毋看該阿姆轉來嚐...."奉勸做人該人子女，愛來孝順父母爺娘。 

       

2…「娘親渡子」歌詞…..

    一想渡子  捱就冇按該　 幾多艱難 受過來

    受盡幾多  裡介寒更夜　 仰得子大　孝爺娘

    娘親渡子  佢就苦難當　 千難佢就辛苦 恩介娘

    若是頭燒  佢就頭額又痛   嘰嘰齉齉 到天光…….

    娘親渡子就苦難當   千難辛苦就恩介娘

    三朝七日就冇阿奶食   朝朝夜夜就愛喫糖

    阿姆介肚屎來大   行路郎碰阿又郎碰

    坐得高來驚怕會倒賣轉   該坐得矮來又精會鬱內傷

    燒介就會唔敢食   冷介崖就唔敢食

    燒介就唔敢食  冷介崖就唔敢嚐

    十月懷胎介娘辛苦   子兒就愛下世 

    阿姆介肚屎就來痛   真像介利刀就來割肚

    可比介利剪就來剪腸   嘴項介鐵釘就咬得斷

    腳著介皮鞋就踹阿得穿

    天上有門就想愛上   地下沒門就強愛鑽

    有福之人就來恭子   得人介雞酒香

    無福之人就來恭子   得人介四塊板

    阿姆就來恭子   可比介蟻公來游鍋壁

    游得過就恩介貨   游不過阿姆介性命會見閻王

    子兒就來下世   點點食娘身上介心頭血

    一日食娘就三刻奶   三日食娘就九刻糧

    堵到介屋下就子嫂多    也係來該手腳少

    又要柴呀又要草   又要蕃薯豬菜就轉啊家堂

    揹籃挑來就上山崗    將子揹等就在呀背囊

    籃子挑等就一山就過一山    ㄧ崗就過ㄧ崗

    尋有蕃薯豬菜厓就籃子裝    尋得啦挑等就轉啊家堂

    轉到來ㄙ半路上   聽到幼子就叫阿洋洋

    阿姆就解下來ㄙ在手上   奶子扁開就奔子食介奔子嚐

    子兒就來食飽   佢就來笑洋洋

    子來笑ㄇㄟ姆來笑   介子姆攬等笑阿一場

    奶子就來食飽   慢慢揹等就轉啊家堂

    轉到屋下該屎尬來尿   痾到阿姆就一背囊

    阿姆驚子就來寒壞    就快快攬得入間房

    第一就先換子   再來就後換娘   阿姆就拐子來睡好

    籃子款等就快快來到ㄙ大河崗   河灞就慢慢洗

    厓圳溝就慢慢湯~~~

    該湯得就衫褲裙子來淨   才過阿姆該十指就手阿指蘿

    洗到ㄙ血洋洋   衫褲裙子就來洗好   攬等就轉阿家堂

    轉到屋下壁上來慢慢批~~~~~~竹篙該慢慢烺

    烺得該衫褲就裙子好   阿姆該肚屎餓到變背囊

    大腸餓到來變小腸   添到一碗來飯子就想愛食

    又聽該幼子來哭娘娘   左手牽子就愛來騙   

    右手牽子就愛來拐   該拐得來子兒點   

    阿姆該碗飯子就冷過霜   冷菜冷飯就吃落阿姆肚 

    阿姆冷肚就格阿冷腸

    恭子就毌知娘心苦   恭女就正知娘難當

    爺娘惜子就長江水   子想爺娘唔該就擔竿長   

    毌信單看該河崗水   流下就唔流上 

    總係大家就愛做該人子女   大家就愛做該人爺娘

    堂下該高椅就輪流坐   富貴輪流當  

    奉勸大家就愛來該行孝順   閒生割了半斤來豬肉就落哀肚   

    當過死忒靈前來拜該就大豬羊

    豬羊就喀大付   沒看阿姆就轉阿來嚐

    恭到該有孝子   阿姆就有目的

    恭到該不孝子   該枉費呢~~~~~~~~~~

    ~阿姆呀~~~~  厓就來撫養ㄋㄚ~~~~

    愛來ㄋㄚ奉勸 你就世間人  做人子女愛孝心

    人人子女 若是係唔行孝    仰般世間來做人 （完）。

…………………………………………………………………………..

    老弟奉勸 （你就）大家人~~~   愛知父母裡該恩義深。

    小小食娘 （你就）身上血~~~ 苦心養大得成人。  

…………………………………………………………………………….