即條路，對西到東，是囡仔時村內上鬧熱的所在。

即馬，人去厝空，雜草生湠滿四界，一片寂靜，予人心內足毋甘的。

每擺回鄉阮攏會來這行踏，回憶囡仔時的種種......。  

    無人看顧的菜宅，花草自生自滅，竟然開花，誠使人疼惜。

厝壁落去，巷路予雜草佔去。

古厝冷清，青翠的雜草陪伴伊，日出日落，歲歲年年……。 

榕仔對壁躘出來，軁(nǹg)過門牌，peh上厝頂，讚嘆伊的韌命！

   行過國校同學的厝，門口整理足四序的，阮共呵咾，伊是歡喜kah笑微微。