回鄉隨筆1

回鄉十外工，天氣無真好，攏定佇食晝後烏陰落雨。
彼即工，參加 "中西孝思堂" 祭祀後，趁雨縫，
五弟騎機車載阮踅對 "魟尖" 的海岸來行踏。
"魟尖" 是阮村域的海岸景區，會當看著 "澎湖跨海大橋" 佮
附近的村落景色。海水當咧淹，幾座海中的小島嶼，猶落出水面，
先祖堆砌的石滬，也浮佇波浪中，清楚現出圓環形的輪廓，
遙望石滬，予阮內心翻湧著無限的遐思......。      (minda 2014.8.10)