色 水       

日頭是啥物色？月娘是啥物色？天星是啥物色？

日頭是金色，普照萬物養育眾生，

            予大地有愛生生不息。

月娘是黃色，照光著遙遠的故鄉，

            出外的浪子緊回頭。

天星是銀色，算未清的目睭閃閃爍，

            牛郎佮織女是匿佗去？

戀戀不捨是阮故鄉天邊的虹。

曷是啥物色？

伊是彩色，有紅色、柑仔色、黃色、綠色、藍色、

          青色、茄仔色，算算攏總七色合做夥，

          就親像是美麗繽紛的人生。

借問咧人的心是啥物色？

人講好人是心肝紅吱吱，復(koh)講歹人是烏心烏淥淥，

好心、歹心哪會知？善行、惡行人看有。

啊……！

        人生如戲齣頭濟，生命如花色水齊，

        百花開放莫亂採，五花十色在人愛。

          minda 2004.11.3