予汝家己飛       

    負笈離鄉兩個月，路途遙遠奧相尋，

    未當聽著汝講話，只好網路來相會。

    阮知影汝真平安，異國人情有溫暖，

    學績已經晉一層，只是思鄉情艱難。

      記得離家的前一暗，

      父母的交代毋通放，

      自立自強是男子漢，

      行萬里路讀書萬卷。

    即馬予汝家己飛，展開翅股向前飛，

    飛上遼闊的天頂，飛出家己的航道。

    祝福汝：健康快樂，萬事如意，

     學業完成，如期歸來。

    兒是吾家一脈傳，望子成龍才著放，

    祈願慈悲的  上帝，祥光普照護持，

          痛疼阮在他鄉的子兒，

          賜伊智慧佮勇氣，

          予伊飛得順是，飛得順是……。   

                                                          minda  2004.10.31