囡仔時扮公伙仔定定挽來耍，攏共伊擘開當做柑仔瓣(bān)。 

苘麻：别稱青麻、車輪草、磨盤草等。

無人蹛的舊厝，對壁路發出牽藤的植物，花齊細蕊仔，誠古錐。

 

散步行過愛姨的門口，

看著伊種幾節仔番薯佮一欄番麥，心內誠欣羨。

是也，菜園免大片，按呢就有夠矣，

家己種家己食，毋但歡喜koh安心。

  

 這欉檨仔榕，阿爸種二十外冬矣，

這馬誠大欉koh會結子，生kah密密是若樹葡萄咧 !

頂個月底，表兄來看阿母，攑頭看著檨仔榕煞講 : 

彼子人會食得，挽落來火君(kûn)肉真好食。

阮共應講 : 敢有影  ?

 

阮社區內幾落位住戶攏講芙蓉誠無好顧，

koh講規盆媠媠對花市買轉來，過無偌久就焦葉仔，愈顧愈䆀。

阮故鄉四界攏看會著芙蓉，自然生長，發kah誠媠。

海寶嬸婆的厝無人蹛矣，門前鞏鐵土的砛簷煏(piak)縫，

煞發規排的芙蓉，無人咧顧，干但看天公伯仔沃水，

牆仔邊嘛發規垺，風吹日曝，活靈靈。

(2015.10底)