《圖與文》綿羊姐姐

我真佮意學台語，所以真想欲佇遮用台語來寫一寡阿家己想欲講的代誌。

但目前，我無確定是想欲寫啥物？

有可能是佇街仔路揣彼隻古錐羊的過程的時，所拄著的一寡阿經驗，

無論是趣味的抑是特殊的；

嘛有可能是家己厝內的代誌，包括雄雄想著的，但是是足想欲寫落來的心聲‧‧‧

若有時間，我會盡量來遮歇喘一下，寫淡薄阿家己想欲講的話，

當然，若是有翕著一寡阿較媠的相片，嘛會當踮遮分享。

著啦，若是來的，是真敖講台語，抑是對台語文真有研究的朋友，

無論是刁工過來行踏的，抑是無細膩踅來甲遮拄好看著的，

你若感覺我所寫的台語文無蓋輪轉，我知影唅！

但是拜託拜託，請毋通凊彩著共我批評，但我袂反對你佇你家己的心內偷偷阿笑啦！

〈希望是小可阿、微微阿笑一下咧，按呢就會當阿唅！〉

閣有一點是我家己一直堅持的原則，我愛台語，佮任何的政治攏完全無相交插，

嘛袂佮意有任何宗教、時行的討論話題等等方面的辯論。

我只是有愛學台語，講台語，以及寫台語的單純動機爾爾。

先予逐家知影一下較好，莫見怪啦！真勞力！