佇這個開闊廣大的網路世界，敢有一個你上蓋佮意的網站咧？

敢有按呢的網站，伊會互你定定數念，互你不時著想欲去頂面行行看看？

有，我有揣著！甚至有時陣，我一工會起去足濟擺，因為足想欲緊揣看覓，看敢有

囥上新的資料阿。若按呢，我就會當佇第一時間，食著大大滿足心靈的好食物阿！

到底是佗一個網站互我遮佮意？

對我來講，欲回答這个問題，實在毋是啥物困難的代誌。

報互你知，我上佮意的網站就是 ─ JW.ORG！

JW.ORG是一個足大足大、240的國家地區攏會當看著的國際性聖經教育網站。

這個聖經教育網站成立偌久，我就佮意伊偌久阿！

會當講我是這個網站的忠實『鐵粉』啦！

這個網站的內容，對我的人生產生真大的影響，伊幫助我過著真正有意義的人生，

互我的生活過了蓋充實快樂。

因為按呢，我對伊佮意的程度，是一工比一工閣較增加，完全毋捌減少。

你可能會好奇，這個網站內底，到底是有啥物豐富的物件咧？

JW‧ORG這個網站對我來講誠特別，伊若親像烏暗世界內底的一座燈塔。

一直引導遐想欲揣著人生正確方向的人，幫助怹知影欲按怎順趁聖經真理來行。

互怹會當得著耶和華上帝的疼，包括對伊遐來的福分及獎賞。

這個網站毋但無商業目的，嘛佮政治無啥物交插，伊閣袂有任何種族的偏見。

除了大約佇240個國家地區攏會當揣著伊之外，伊所翻譯的語言也已經超過1000種阿！

請你想看覓，有佗一個網站會當親像JW.ORG有遮爾仔大的規模，閣無分國家地區，

無分啥物種族及語言，甘願互逐家來免費使用及下載的咧？

另外，我上蓋欽佩的其中一點，就是伊的宗旨一直是『宣揚上帝王國的好消息』。

伊一心一意想欲榮耀耶和華，想欲互伊的心歡喜！

聖經內底，有真正會當造益你我人生的智慧佮正義原則。

比如做父母的，若是毋知欲按怎佮子兒溝通，請來去JW.ORG網站行行看看，

你會當看著專工為青少年佮兒童所設的專區，內底有真濟足實用的建議。

只要你願意好好運用其中的建議抑是勸告，相信佇教育子兒方面會致到閣較大的成功！

閣有，佇『婚姻和家庭』的專區，伊提醒無論是做翁抑是做某的，攏毋通因為定定吵鬧

抑是激氣，就掠準按呢的婚姻關係已經無法度閣繼續維持落去啊！

其實毋是，因為著親像這方面的影片佮文章所強調的：耶和華上帝是婚姻的創立者。

人若願意用謙卑的態度向伊請教，伊是絕對會給咱講欲按怎做才正確！

所有家庭會當真正幸福快樂的秘訣，伊完全攏知影。

我會記得，有一本冊講著翁仔某應該愛如何溝通，愛按怎好好阿鬥陣。

這本冊的册名叫做『家庭幸福的秘訣』。

你若是佮我仝款有機會親身閱讀看覓，相信你也會同意，原來根據聖經原則所寫落來的話，

攏是所有有婚姻佮家庭的人現存時上蓋需要得著的知識。

JW‧ORG足值得任何佇婚姻當中抵著一寡困難但真想欲改善的人學習。

逐篇文章詳細看，然後給伊實行出來。就一定會當因為實行出來得著快樂佮平安！

當然，無論你是已經有家庭婚姻，抑是猶閣是少年獨身；無論你的年歲是偌濟，

老年也好，少年也好，甚至是細漢囝仔，攏有為你特別設計的專欄。

JW.ORG網站除了有根據聖經所寫的文章，嘛有一首閣一首真好聽的歌曲，

佮有算袂清的，足互人感動及誠生動精彩的影片。

有專門設計互囝仔看的卡通動畫。比如其中的幾十部嘛是大人也足佮意

看的短片，比如『為什麼愛講請佮謝謝？』『是按怎講偷提物件是毋著的？』

『培養謙卑真重要』‧‧‧這个專欄會當幫助所有的人照合宜的路來行。

十幾歲的少年家，對這個網站會當找著一本叫做《青年人問》的冊，伊已經出版有

第一佮第二冊，內容是佮全世界各地青少年所提出的各種問題有關，包括功課、感情

佮人際關係等等的疑問，每一課攏有根據聖經所提供的實用方法佮建議。

目前，這個網站已經有1千外種的語言。世界大多數的國家地區攏會當免費使用佮下載。

歡迎你佮我仝款，會當定定去JW‧ORG行行看看，相信你會親像行入寶山，

是絕對無可能雙手空空倒轉來的！

這個世界佮世界的慾望這馬以真緊的速度行向死亡，總有一工會滅無去，

但是認識聖經真理的，願意順趁耶和華上帝旨意的人，卻會有永遠的福樂佇頭前聽候伊！

所以，向望看著這篇文章的人，攏會當開始佮耶和華見證人學習聖經。

攏會當佇上帝大受氣的日欲來進前，已經採取行動尋求耶和華，尋求公義佮謙虛。

按呢，無的確，你就會當渡過大災難的高潮~哈馬吉頓，到路尾，會當佮聖經所預告的

『大群人』，做夥入去上帝所保證及承諾的和平安寧的新世界！

親愛的朋友，請你莫閣躊躇，這馬就趕緊上去JW.ORG行行看看吧！

願慷慨仁慈的上帝耶和華，賜互謙卑的你福分滿滿……