#詩集簡介

<溫柔的橄欖枝>

記憶，是奇妙的東西。同樣的日子，有時覺得很遠，有時又很近。時間是過去了，永不回頭；但，有些東西又不斷在生活中重複，尤其那些痛楚，總是刻得很深很深，要抹去真的很難。眼睛看不見，不代表不存在，脆弱的情境下，又在失眠的夜裡竄出隱隱作痛。這是人生命的本質；誰都難以逃脫吧。

 

這年紀，身體與心靈已過黃金交叉點，漸漸腐朽的臭皮囊，總需一些智慧與修行撐著，讓它依著一定的節奏繼續運轉，不致懸崖式崩毀。所謂的幸福，早已不是建構在別人的依賴上，而是如何去讓自已的胸臆寧靜愉悅；沒有狂喜狂悲，感受時間一點一滴滴落心湖而呼吸順暢。好好呼吸，就是最原始的修行儀式。

 

回頭看看自己的詩，忘記的心情再去複習、回味，無論歡喜憂傷，經過時間淘洗都變成一種美，一種獨特的軌跡──啊，我確確實實從那裡走過來，這會給自己嶄新的勇氣再繼續走下去。走向哪裡呢？你知道的，身體將走向死亡；而心靈卻總在路上徘徊躑躅，在死之前能得到救贖嗎？不管輪迴，或化做煙塵，都是虛空中無盡的旅程；其間有沒有覺知，已經不是我們能掌握的事了。

 

現世裡，好好活著。永保赤子之心與善念。詩，只是一個小小的抽屜，可安放自己的情緒。如此而已。

 

這詩集，一樣是我生活的詩。如呼吸一樣自然。時間點接續之前出版的《天星》，是2018年6-9月間的詩。4-5月，那時因流感後的自律神經失調，身心狀況不佳，都在附近淺山步道胡亂遊走，寫了些大自然的療癒詩文；這就先擱置，將獨立成冊。6月後，我少出遠門，改在住家附近巷弄運動，慢跑、快走，也去學瑜珈，試著增加強度，看能否用大量汗液驅逐盤據體內的惡魔？哈，結果，肉腳撐不住了，膝蓋受傷幾回，最後又回到山林行路。

 

不過，7月中我開辦「台語詩咖啡」小型活動，約莫一個月一次詩友聚會，讓自己專注於某些事情，也是種心靈療癒；那時正積極想著在彰化為台語運動貢獻一些心力，因緣就水到渠成。那些日子，縣外只去了台中、台南，參加文學活動與訪友。這是我療傷的夏季，汗流浹背的氣味。

 

這次總共收錄了75首詩，其中15首三行詩是新作，編輯時為了填補過多的空白，以「詩後詩」的概念涉入詩集的設計。雖非新穎的創意，但在時間上留一條線索，讓過往的憂傷有些出路，必要時也可循線回到現今世界。

 

書名「初心」，是當中一首詩詩名。在內心狂暴中，我嘗試暫離電腦回到書桌前與孤燈為伴，靜靜讀著書，重新感受年少時安頓自我的方式。只是，眼力、腰椎都無法久坐了，深知一些東西不可逆回不去了。那是青春啊。

 

這些憂鬱、迷惘，都在詩裡點點滴滴；也沒想去多加琢磨、掩飾，就留著這樣的心情，與一些還在相同路上掙扎的朋友相濡以沫。人，都是獨立個體，自有不同生命價值與樣貌，但也會有相同際遇與情緒；至少，這肉體同樣都在成住壞空的劫難裡。

 

我的詩與人，都是小眾。你知道的，此時此刻，我的幸福練習曲是，用最愛最愛的母語向這世界遞上溫柔的橄欖枝，啊，我那年，整本躁鬱的夏季。

 

──2026/7/1

#踏話頭

<單純ê歡喜>

你若常在leh想往過ê代誌並操煩未來較濟ê時，這就號做有歲ah。

 

我這馬ê勢面，有時kā斟酌看，敢若是臨臨仔。是有智覺，有一寡仔以早bē去想ê代誌，三不五時仔就會發出來。比論，這站當leh整理這本《初心》，就去想著：我ê初心是啥？一下想，suah起驚惶；一塊殕殕ê面模隨走出來。家己號ê名，竟然suah講bē伸捙。

 

彼時無想遐濟，無特別ê設計，這款生活ê詩，只是照一般慣勢，掠一首詩ê題名來做冊名。彼首詩是leh感慨，電腦化了後，暗時罕得坐落來冊桌仔前好好仔讀冊，數念彼款恬靜、單純ê情境。

 

冊定著有leh看，是遮看遐看、䖙leh看、食飯那看，去速食店看，koh一睏會當坐leh兩三點鐘配咖啡。毋過，彼攏是日時。暗時，足久進前為著beh有較好睏眠，盡量無做愛激頭殼ê代誌；所致，讀冊、寫作事項，盡量暗頓進前kā發落好勢，極加寫一首輕鬆ê詩來收尾。

 

你知，電腦蹽落去了後，我suah愈食愈重鹹，koh買一塊平板，手機仔mā換有智慧ê，koh掛食到飽。真害，規工舞這，強beh無暝無日。網路中毒ê症頭，慢慢爬上身。這款毒若食牢leh就oh改、oh解。我電視koh足早就無ah，3C減1C，mā舞kah身體虛虛虛。

 

其實寫＜初心＞ê時，我手機仔生智慧拄滿月niâ，彼陣，智慧機仔連學生囡仔都耍kah反過ah，按呢你就知，抵抗這款新科技，我有偌蠻皮。彼時我神經衰弱症頭好未離，定定心悶、齷齪，想盡辦法來敨解，自然心先放hōo空，3C先離，日時泡茶靜坐，暗時冊桌看冊；無疑悟，suah發見目睭出問題，我視差大，koh有蠓仔症，雖罔有專用目鏡，冊看無偌久就開始酸澀、目油㴙㴙滴，致使無法度專心。

 

唉！上班ê時，beh看冊無時間；退休ah，時間濟kah會當掠蝨母相咬，目睭suah bē堪得。腰骨mā無擋頭ah。有影，天公伯仔創治人。

 

毋過，彼款感覺有影猶bē bái。想起早前無電腦ê時代，若鬱卒操煩，暗時就會坐落來冊桌仔前，冊罔掀，冊若看bē落，就鉛筆攑leh紙罔皂。心情就慢慢恬靜落來ah。

 

做學生囡仔ê時，我看冊歹專心，冊餡無趣味，koh愛考試，有影愈讀愈慼。所致，國校仔成績較好淡薄仔niâ，其他攏是吊車尾，讀kah艱苦罪過。我一直懷疑我是毋是致著「閱讀障礙」，大漢了後才智覺，黨國時代ê奴化教育體制，讀會專心才是無正常。

 

尾仔，初心愈牽愈遠，koh牽去「我ê志願」彼款作文。勻勻仔倒踏想，囡仔時讀冊，正港毋捌去想後擺beh做啥，戇戇仔綴人上課下課，下課就是耍；初中高中讀私立學校，koh蹛學寮，上課下課以外，連耍都無去。高二，讀bē落去ah，就徙轉來故鄉ê公立高中讀，誠好運，去拄著做作家ê導師，頭殼才慢慢仔有leh轉踅，趣味文學藝術ê感覺，才慢慢仔浮出來一寡殕殕ê影。不而過，體制彼款冊、考試，我mā是無路……

 

啊！敢若牽傷遠去ah。總是，有功利目的彼款冊，實在厭siān。Koh kā回想，我冊讀著上專心ê是，教師職業考試；哈，彼定著慼，毋過牽磕著頭路，對我這種性地ê人，無頭路就是無尊嚴，腹肚愛先顧，才有法度顧佛祖。

 

所以，讀冊對我來講，是一款心情。國校到大學，考試攏是散形散形；啊大學較知人，彼款散形是有意識ê 60分主義，因為我初初去tsi̍p著自由ê滋味，頭擺鼻著冊ê芳，知影教科冊以外koh有千千萬萬種ê冊；讀閒仔冊，變做幸福ê代誌，雖罔mā是散形散形，你知，我beh愛ê是，路會當家己揀彼款尊嚴kah自在。

 

我beh講ê初心就是這啦。

 

初心，佛教講本心，咱人天生自然有ê彼款佛性，就tī家己ê心肝底，免去外口追求，免綴人拋拋走。

 

是講，我無信教，是毋是有佛性我毋知，這馬ê我，雖罔身體比心代先有歲ah，按呢罔想罔想，定著愛揣一个機緣，開始撥一節仔暗時ê時間，勻勻仔kā冊桌仔ê電火捘開，hōo彼款少年時單純ê歡喜，koh再沓沓仔掖落落來……

 

 

#註解

殕：phú，灰濛。

bē伸捙：bē-tshun-tshia，無法溝通。

數念：siàu-liām，懷念。

䖙：thenn，半躺。

蹽：liâu，涉水。

齷齪：ak-tsak，鬱悶。

敨：tháu，解放。

bái（䆀）：醜。

蠓仔症：Báng-á-tsìng，飛蚊症。

皂：tsō，亂畫。

㴙㴙滴：tsha̍p-tsha̍p-tih，水滴落貌。

冊餡：tsheh-ānn，書的內容。

慼：tsheh，厭惡。

艱苦罪過：kan-khóo-tsē-kuà，痛苦不堪。

蹛：tuà，住。

牽磕：khian-kha̍p，牽涉。

tsi̍p：淺嚐。

捘：tsūn，轉動。

掖：iā，灑落。

──2026/7/3