──詩集簡介

釣一些光與勇氣

時光還是匆匆而過。

我仍繼續以母語寫著詩，而出版的速度，遠遠追不上寫的速度，這也是一種憂慮；尤其手寫的詩，筆記本不見就跟著不見。2018年手機長智慧後，幾乎寫了就直接貼文上網，有傳媒平台協助記憶與保存，放心許多；只是詩，有時仍迷戀手感，在筆記本塗塗寫寫是免不了的療癒。後來想想，這根本是杞人憂天，我又不是什麼大跤人物，詩，灰飛煙滅，世界又不會少一塊。但，詩存在過，某個記憶深處，想必會多一份情意吧。

這詩集，共收錄75首，只有一首是2017年作品，上本詩集的漏網之魚，其餘都是2014-2015年間的殘存，一直被遺忘在紊亂的筆記本裡，塵淹了許久，前陣子才恍然想起。有些字，潦草到自己一時也認不得，反覆推敲之際，竟又撞進了十年前的那個自己。當然百感交集。時光匆匆，十年，一眨眼就凋零在躊躇的詩句裡。

那時，剛出版首本台語詩集，用字與技法，都還在華文遺緒中掙扎琢磨。母語本身，就是一件很掙扎的東西。但也由於此，生命才有不同的光芒；這掙扎，是通往幸福與解脫之門。詩，讓我如此相信著，正如同相信我自己的人生，歌哭笑淚、聚散離合，都歡喜承受。這些詩，除了校正為部頒正字外，其他則保留原有的口氣與風格不更動。那是十年前真實的我。

同樣，我採漢羅方式書寫。還是認為羅馬字是必須的，即使只有少少幾個字，也能增加與華語間的辨識度；要不，有些華語味台文，若全漢字，即便加註「台文」，乍看根本就是華文；其次是視覺壓力，通篇排列若再加一些冷僻與圖檔漢字，會讓眼睛呼吸窘迫。當然書寫的內涵，才是關鍵。但長遠看，台文，要有獨立的形式與美學風格，才能存活。

目前全漢、全羅，形式上全無問題，自有一套原有規範；漢羅混寫，虛詞用羅、實詞用漢的大原則也沒問題，只是細節尚須時間磨合。簡化、好讀、好記，是努力的大方向。這樣不同書寫形式，看似困境，其實是優點，它提供了多元樣貌與表現空間。將來，台語有個部會級平台，書寫問題皆可迎刃而解。我想。

至於詩集編排，這本有些累了，就不分卷也不照時順序，交給電腦依標題首字筆畫多寡跑。自費自編自製，自在就好。有年紀了，筋骨眼力都不好，不耐久坐久凝視，也須隨時調整更新行為舉止，來因應時間歲月的拖磨。身體、頭腦與靈魂，都盡力保持合適的節奏與律動，詩，也是。

人生，躊躇難免，苦痛難免；生活太多漏網之魚，就用詩來補破網吧。此時此刻，我仍以母語的姿態匍匐前進，多釣一些光與勇氣也好。一些些就好。

（陳胤/2025/4/4）

──踏話頭

時時刻刻

   仝款ê日子，一工過一工，有當時仔雄雄智覺，生活彼款慣勢，敢若小可麻痺去矣；有影，一寡仔殕殕ê驚惶，隨對心肝底浮起來。

   若親像咱台語當leh焦蔫ê這馬，突然間聽著一个猴囡仔開喙講台語，雄雄掣一趒彼款驚惶。

   這一冬，身體敢若無啥順序，連鞭遐痠、連鞭遮疼；睏，睏kah交落枕，坐，坐kah腰骨閃著；連peh山哺飯丸mā會哺kah喙齒崩去；舊年10月初風颱天，咱腹肚竟然mā綴leh做風颱，醫生講致著病毒性胃腸炎，連紲落三、四工，落kah虛虛虛，本底就瘦koh薄板，這聲，規箍人輕莽莽，輕kah強beh會當放風吹，彼號磅仔mā笑kah落下頦；啊這雙肉跤就免講矣，跤蹬、跤底、跤頭趺kah伊四箍圍仔、毋知beh按怎號名ê所在，各樣是常在來。

   咱知，這款症頭號做：有歲矣。有歲矣，就慢慢自然覺悟一條真理：仝款ê姿勢毋通固定傷久。

   知是知，問題是有當時仔做代誌想代誌，抑是Google查資料，一下蹽落去就毋知人，等回神ê時，就出代誌矣。

   是講，彼款雄雄ê驚惶，是好代，是一種咱人天生ê自我覺察，mā是上蒼ê暗示，kā咱暗示生活愛koh撨摵，親像電池無電警示燈會著仝款。痠疼，是身體ê暗示；驚惶，是靈魂ê暗示。天神目神leh睨矣，咱著知伸勼，毋通傷鐵齒。

   撨，定著那撨；日子，總是愛那過。這兩月日，拄好社頭有一个因緣，我tī一間古錐ê咖啡廳辦2025台語詩歌節，kōo詩畫展做根底，對遮湠出去ê節目有冊展、線頂詩展；活動，室內室外攏有。八禮拜貼貼，我ê心，齊浸tī社頭，行路、寫詩、啉咖啡，以及招待一寡來相伨ê友志；這，是我創作ê屈勢，定根tī實實在在、活跳跳ê土地，毋是tī電腦裡空喙哺舌烏白炸。你知，咱性命ê幸福，tī遮。

   咱定著mā知，有歡喜就有憂悶，tī光ê後壁永遠綴一搭烏影；咱筋骨有時各樣，這站咱國家內賊外鬼leh創空mā誠艱難。好代歹代，若無做伙來就是輪流來，這是人生日常ê面模。

   苦疼，既然無法度走閃，著愛學會曉tī苦疼當中揣快樂；浸過目屎ê快樂，顛倒是正港ê快樂。

   不管苦疼抑快樂，我定定kā家己托頭，定著愛學會曉，一首詩就kā看破。因為，時間過去就過去矣，bē koh翻頭。活，愛活tī此時此刻ê這馬，過去、未來攏是幻影。

   進前，發見一寡10冬前ê詩，拋荒tī舊手摺簿仔裡強beh生菇，一直揣無好時機整理，趁詩歌節彼跤兜筋骨較好勢，就一首一首kā叫精神，hōo死去ê魂魄，koh再重生復活。

   過去kah未來攏是幻影，無錯，但是咱若kōo母語kah詩做祭獻，好好仔kā奉祀，in定著會替咱報路，教咱生活ê撇步。

   雖罔，日子仝款一工一工過，毋過，hōo詩安搭過ê日子已經leh發新穎；伊毋是原來ê日子，是性命，幸福ê意義──做一睏落落來，我當leh歡喜注目ê現此時……

註解：

殕：phú，灰濛。

焦蔫：ta-lian，枯萎。

掣一趒：tshuah tsi̍t tiô，嚇一跳。

連鞭：liâm-mi，立刻。

下頦：ē-hâi，下巴。

各樣：koh-iūnn，異樣。

撨摵：tshiâu-tshi̍k，調整、斟酌。

睨：gîn，凝視。

kōo：用。

(陳胤/2025/4/10)