男人不是MiuMiu手袋，永遠沒有明碼實價。更不會有專人嚮中環置地旗艦店serve你，揀啱先俾錢買！亦沒有人在網絡上放賣她們用過不要的「九成新二手貨」！

男人不是海洋公園，不會有水簇表演，不會有機動遊戲給你帶來刺激……極其量，是激氣的激！或者，頂多是兵頭花園，位於中環高尚貴價地段好值錢，卻悶蛋到不堪，連內地自由人都無興趣入內一行！

男人不是迷你戲院，買票入場可以看個夠，兼且同時放映好幾套片子，中西外語咩都有！男人卻有做「大龍鳳」的時候，竟又以為自己在演「羅密歐與茱麗葉」，浪漫又淒美，實情只有反高潮連場！

男人不是Coke ZERO，包裝設計有型兼有強大實力後台撐起，無糖都有甜味！甜言蜜語欠奉之餘，連頭都唔識自己梳理，有型有款亦只是遙不可及的願景，就如非洲莫三鼻及人話要超英趕美！

男人以為自己是Window Vista，最新又夠勁，能處理一切大小事務。實情是，最新版本Vista，漏洞多多又唔夠方便。所以話，對自己好啲，可能要轉番用Window XP！

於是，男人只是雨摭柄，有時，局部零散大驟雨時，為你摭風擋吓雨。

但當然，同摭可以唔柄，同人亦唔同命，遇上怎樣的男人，是妳妳你的造化一場了！阿們。

***文中用了部分廣東話書寫