﹙唸出聲才夠味﹚

台灣經濟要行對叨一向？          

向東？向西？抑是鎖國？

幾十年來摻政治一直惦一圈位在跳躍在迷惘         

ㄙㄨㄚˋ ㄙㄨㄚˋ去啦！飫飽吵嘛要有限度  

小顧慮著百姓求安定要安靜的心留乎阮一條順行的平路

先考慮吃乎會飽穿會燒，其他留惦在後璧慢慢ㄚ去思考    

屬於政治就交由政府去傷腦筋去用心

民主的社會，民意無定準假若是流水

要按怎匯聚成河變主流是一段艱辛的過程

有必要一步一腳印嘸是喊喊畫畫ㄟ就准算

袂駛利益的掛鉤、不辨是非、咀涎四界噴

越頭看過去有通咱學的，嘛會當得到教訓

何不學習蔣經國的精神，向前看一切為民

避免擱再行倒返去李登輝黑金的路線       

阿扁仔八年的執政挵甲黑魯白相的樣       

留落來是一粒槍子的疑雲變世紀懸案       

海角七億看是不止，嘛隴總貪汚洗出去    

結局多件繼續在審，關惦籠仔內無定案    

放風時的鏡頭逍遙自在看伊雙手扣扣晃    

現此時擱開始露風聲支持蔡英文侯選人    

將來若當選總統嘸通袂記得特赦的承諾    

啊！嘸是，照伊講是回歸司法公正審判    

貪汚像按呢麥輸合法，世間那有啥公理    

善良的百姓啊！台灣為蝦米這呢仔悲哀   

咁真正放任黑白不分邪道繼續耀武揚威    

大家將您目睭把乎金，選舉恰起步進行    

看怹弄、聽怹港，用您的智慧理智判斷

啥人才是台灣前途的寄望？啥人黑白亂   

有一工若將台灣帶向烏天暗地戰爭陰影    

你咱的路袂當擱回頭代價是慘痛甲悲哀    

深思這ㄟ問題，運用你的智慧，向前行    

大家作夥卡大聲咧：「支持馬英九！」

﹙標示為褐色請注意台音之發聲﹚