這學期，阮教的國中台語社團，佇上課的時，

有二位學生攏愛提早五分鐘下課。

in導師開一張證明予我，講這二位學生負責糞埽分類回收，

所以必須愛提早五分鐘下課，去開門準備。

這禮拜，拄著欲口語測驗，上課的時我對in二个講：

「今仔日欲口語測驗，恁二个攏愛提早五分鐘下課，

去處理糞埽分類回收的工課(khang-khuè)，恁二个先考。」

in二个共我唱哭調仔應講：「老師啊！妳也知影阮辛苦喔！    

阮負責全校的糞埽分類回收，實在足辛苦的！」

我隨回講：「辛苦啥啦？這節欲口語測驗，恁二个『先考』啦！」

哎喲喂！規班是笑kah東倒西歪。

                                       minda 2016.12.7