2015歇熱回鄉 2 - 魟尖看石滬

8.28下晡參加"孝思堂"祭拜祖先後，佇轉厝的路中心適興，

koh佮大兄、五弟行對"魟尖"去，

雨霎仔一陣一陣，天色陰暗，視線卻是真清，

徛咧魟尖頂，海中先祖千辛萬苦堆作(tsoh)的石滬露出水面，

半圓的線條誠優美，仝齊看著二座石滬，

一時歡喜喝出讚嘆聲，心內有深深的感動。

這二座石滬，倒手爿是"港滬"，正手爿是"西頭滬"，

若有流勢，輪著巡滬的人家，就愛負責巡滬，

別人是未使落去掠魚的。

向對面看去，遠遠的所在有看著"澎湖跨海大橋"，長躼躼。

koh會當看著海中的小島 - 嶼中、牛母陵(niā)佮大倉島。

                                                                                  minda  

倒(左)手爿是"港滬"，正手爿是"西頭滬"。

這是"港滬"。

這是"西頭滬"。

澎湖跨海大橋。

海中的小島 - 嶼中。

海中的小島 - 牛母陵(niā)。