回鄉隨筆4
每擺回鄉攏愛共厝附近的巷路行行看看的。

這條路通到阿姆的厝，佇囡仔時是全村上鬧熱的一條路，一工
來來去去要行幾落逝。頂擺回鄉，行到阿姆厝的門跤口，看著
門邊的壁發一欉榕仔囝，伸手想欲共薅落來，哇 ! 根釘足牢的，
榕仔薅無起來，手險扭著，只好煞煞去。這擺回鄉復行來阿姆
的厝前，榕仔已經大欉，強欲共大門遮起來矣 !

這規排厝，佇早年是蹛濟濟的人，這馬攏是空厝，原本的巷路
因為無人行踏，雜草發足密的，特別是阿姆厝後的巷仔，雜草
發到人行未過，遠遠看去誠神秘，予人有淡薄仔親像行到祕景
的感覺。          (minda 2014.8.19)