噚日，我終於都遞出辭呈，一切，都已經確哂咗！

　　其實，從來都未有似今次，我咁不捨得嗰一班細佬，雖然，嗰些細佬仔，有啲吵，有啲不足，有啲唔認真，甚至乎，有小小曳曳，但係，都無妨，佢哋係我心目中，都係可愛多啲喎！

　　生命係咁，每一次認真嘅付出，都會收回少少。點都好，一段關係嘅暫別，有時係另外一種延續，離開，或者係一時嘅捨不得，但係，如果應走而未走，恐怕結果都未必好，況且，細佬仔嘅記憶同感情，係好易變嘅！一年之後，又唔知仲記唔記得我，或者到時，佢哋都已經唔記得我啦！

　　總之，無論點都好，我多謝佢哋，亦都祝福佢哋，希望佢哋未來，都可以順順利利，平平安安！雖然，同佢哋只有短短一年嘅緣份，不過，已經為呢一年留低最好嘅記憶！除咗佢哋，老實講，嗰個地方，真嘅未有任何人、事、物可以俾我留戀喎！離開，可能係最好的收尾！