財團

最近美國有佔領華爾街運動,歐洲佔領ㄨㄨ城市e運動擱較激烈,台灣嘛有佔領101大樓e行動,可見人民開始對貧富不均失去耐性,甚至對財團反感。

一位朋友因為理念無同,離開奉獻久年e職場,有師長問起,伊干但講:「人事改組,順勢退出,重做人生規劃」,私底下伊講:「十外冬e情份,批判e話,總是講袂出嘴。」

有一下晡,朋友接著一通電話,問伊敢是某一個媒體e執行長?伊講已經離職,倒問對方是佗一位?對方講真肯定伊e付出,想be來拜訪,嘛有提起佮社運界e淵源,尾手才知影原來就是建設公司e董事長。

幾冬前朋友ka建設公司買厝,著熟姒這個人,毋過互相無啥物來往,有問題攏揣接待中心,聽厝邊講怹頭家人目頭高擱無耐心,可能是有無爽快,ho人當作是無受歡迎e財團。