豪情
2011/05/01 01:43
瀏覽762
迴響2
推薦62
引用0
豪情
過年去南部耍,因為旗津大窒車,換欲去橋頭糖廠行行咧,但是到老街煞揣無路,表姊夫停車問路邊泡茶的人,這個少年的講:先踅頭,第幾個路口安怎行,毋但講甲真詳細,續落去擱指揮交通,予阮的車順利踅頭,逐家直直說謝,阿姨講:這款代誌佇怹台北無可能發生。
前兩工去買菜，翻頭到博愛路,突然間一個騎auto bike的人,來硞(註1)我倒爿的窗仔門,開窗仔門了後伊講:你的tire蓋落佇路裏，停車等候欲踅頭去抾,這個人auto bike又擱騎來我的正爿,講一句:我來抾!無到一分鐘著共落去的tire蓋抾轉來，有夠感動!毋但說謝,擱加一句上頂級的阿彌陀佛(無量光 無量智 無量壽),伊手擛(註2)咧著騎走矣。
南台灣地型平坦,大部份的人攏真開闊,不拘小節,雖然無符合都市人的數字概念參快樂指數,但是下港人有一套開放﹑樂天的生活哲學,尤其佮生份人會使有真自然﹑無私的互動,這款地理因素造就的豪情,都市人可能真歹體會。註1:硞， 敲的意思。
註2:擛，揮手的意思。
