2009-12-19／圖文／5656

　　　　昨暝洶洶想起，少年時的行李留置未結婚前一間生份所在的旅社，後

　　來過往的旅客，毋知敢有人撿著？

　　　　但是我想就算有人撿著亦無興趣，因為行李內面無金銀財寶，只有孤
　　單寂寞的歌譜。歲過五十了後無流浪的理由，因為心肝有愛相掛心，只是

　　想欲知悉當年伴阮流浪的火車，是毋是還置鐵枝路頂搖搖擺擺？聽阮唱流

　　浪之歌的菅芒花，是毋是還隨著秋風咧飛？

　　　　置今年第一個寒流將欲來的晚暝，阮深深祝福：「曾經伴阮度過短暫
　　悽涼蒼白的少年時的好朋友，佮阮仝款已經過著幸福的日子。」