政治親像一齣戲，上台要想下台時，
歷史總是會留字，不通當作變猴戲；
做著總統要理智，不抹膨風空嚼舌，
國家前途不通咦，害人害己無了時。
哪想卡早ㄟ人氣，這陣是要按怎比，
總統民調軟趴趴，親像糊到砧仔膠；
甘講扁仔這泥差？生肉落鼎眾人撒，
話哪偎這講透機，阮就目屎撥未利！
百姓關心ㄟ代誌，生活安定吃百二，
政黨輪替一變天，阮是艱苦老百姓；
囝仔開學闖沒錢，阮是沒閒通相掙，
民生物資起這多，阮是頭路沒地找；
燒炭自殺歸大堆，阮是心肝像針威，
總統講咱是頭家，阮是心痛丟三下；
甘講島內著人J ，才知執政是阿西！
第一家庭敖凸搥，講是邱毅爆尚多；
六年施政玲瓏繞，講是泛藍敖相給，
行政首長直直換，阮是目周金金看；
經濟亂舞敖死券，弊案多尬哪溫泉，
國營事業門沒拴，用人猶原是脫線；
族群分化未收煞，叫阮按怎ㄟ快活，
嘟著選舉敖詛咒，阮是聽到皮皮挫；
社會治安有夠壞，越想心內越憤慨！
神仙打鼓有時錯，腳步踏錯誰人無？
腳尻哪臭怕人嗯，總統哪錯心酸酸，
總統您甘有諦聽﹖這是百姓ㄟ心聲，
話哪想袂講透機，阮就目屎撥未利；
政治親像一齣戲，下台要想上台時。