我哋都知騙徒手法層出不窮，但有啲嘢係唔到你唔信，即係如果你喺街識咗左手邊呢個女仔，嘩靚女啦！到你得手之後發現佢變咗右邊呢個女仔……嗱，搵女朋友樣唔緊要嘛，心地善良先最重要嘛，我都仲說服緊自己o架，但係，你個落差都唔係話大到咁嘛？喺聖誕期間，呢位日本Twitter用戶「まあたそ＠岡山県シネ」就放咗兩張妝前妝後對比相俾大家睇，雖然有10,000個retweets，但接受唔到現實嘅日本網民就留言鬧佢，佢本人公開咗啲俾大家睇：「醜女就係醜女，就算你化幾厚妝都一樣！」「喺我眼中，兩張相都係『Before』嘅相片。」「妝後嗰張相好似人造人。」「恭喜你，你本身超醜樣，o依家只係醜樣。」其實，都唔駛咁啩？