han-chî

 蕃  薯

Han - chî  han-chî  tī  toh - ūi

 蕃薯 蕃薯在叼位？

 Lí  sī  chiam  ê    ah   sī    îⁿ

 你是尖 的 啊 是 圓？

 Chhōe khòaⁿ māi  koh   ku̍t  khòaⁿ māi

 找 看māi閣 挖 看 māi，

 Chhàng  ê  thô  té   bô   lâng  chai

 藏  ê 土 底 無 人 知；

 Chhōe khòaⁿ māi  koh   ku̍t  khòaⁿ māi

 找 看māi閣 挖 看 māi，

 gôan-lâi  ū  chiam  mā   ū    îⁿ

 原來有尖  嘛 有 圓，

 Han - chî han - chî  si̍t-chāi  chin  chhù  bī

蕃薯蕃薯 實在 真 趣 味。

 Han - chî  han-chî siáⁿ-mi̍h  bī

蕃薯 蕃薯啥 物 味？

 Lí  sī  kiâm   ê    ah   sī    tiⁿ

 你是鹹 的 啊 是 甜？

 chia̍h khòaⁿ māi  koh   tam  khòaⁿ  māi

 食 看māi閣 嚐 看 māi，

 siap siap  tēng tēng   pháiⁿ  chu  -  bī

 澀澀 碇 碇 歹 滋  味；

 chia̍h khòaⁿ  māi   koh    tam  khòaⁿ  māi

 食 看māi  閣 嚐  看 māi，

 chú  se̍k  chiah  ū  hó  chu  -  bī

煮熟  才 有好 滋 味，

 Han - chî  han - chî  si̍t-chāi  chin  chhù  bī

 蕃薯 蕃薯 實在 真 趣 味。