接觸台文幾落年，也學寫台文 …

彼年五日節， 轉來後頭厝， 念茲篇文予阿母聽…

 柑仔色的日頭，沉落西爿，柑仔色溪水，天頂水底共一色，看著共款景色，想起阮兄哥允我的一項物件…。
細漢蹛庄跤，讀冊歇睏日，序大人指派我愛綴阿兄去田做工課，同齊去割田岸草，一個佇田頭，一個佇田尾，割到中央。卜暗仔，阿兄騎鐵馬載我要轉厝，經過大圳溝， 上崎喘怦怦，歇佇橋頂「阿兄緊來看，足媠、足媠」 手指著天頂 日頭、雲彩、溪水，四界攏是嫷嫷柑仔色。阿兄對我講：「妹仔，後擺大漢我買翕相機互汝，予汝將媠媠光景翕落來………」
幾十年了後，我有翕過真濟相片，毋過心內一直佇期待、佇希望，佇等候阿兄買互我迄台翕相機，只有迄台翕相機則翕會著 我囡仔時代歡喜的心情 ！ 可惜，阮兄哥伊已經未記得啦！

當時並無其他的意思… 阿母卻是扑電話去予阿兄， 講你欠小妹仔的相機.....幾落十年 阿兄講，過彼久伊真正是無印象 ; 經過無外久， 伊就買數位相機，提轉來予我 ，閣講茲台精巧細型較輕 ，適合我手不方便使用…..設想這呢週至 予我歡喜也真感動…..有茲台相機了後，親像加一蕊目睭 ，看媠物件的能力，生活更加充實，加誠趣味 …用兄哥買的相機 也翕真濟相片，毋知按怎，仝款翕袂著囡仔時代，看著柑仔色日頭 歡喜的心情。

 電小二
等級：7
留言｜加入好友 2007/06/20 17:50 刪除 ｜回覆
Dear 常文：

特前來恭喜您所發表「柑仔色日頭」一文，已經登上聯合新聞網首頁，生活健康｜貼心下午茶，歡迎有空前往觀看。^_^
非常謝謝您的好文分享，此推薦是利用轉址的方式連結到您的文章。如此文有原因不希望被推薦，請到電小二訪客簿留言，會盡快協助取下。

電小二


--------------------------------------------------------------------------------
※ udn近推出「哇新聞」和「書籤」歡迎試用!