大漢阿伯幫柚仔咧洗身軀，我看著遐爾濟个柚仔喙瀾強欲流落來。問阿伯敢是伊種个，佇佗位種个？敢是佇西湖？伊講是佇附近个山頂爾（原來後龍嘛有種，我煞攏毋知）。

阿伯叫我家己揀，我著足歡喜**兩粒來轉。囥好一目**仔出來，阿伯著問我刣猶未？有好食無？看會出來伊真有成就感。我講我欲紮轉新竹才食啦。

阿伯教我「這柚仔挽落來愛先洗洗咧，皮才欲袂黏黐黐。」我想講我干焦知影食，哪會知影皮黏抑無黏。

哥看我欲紮轉去新竹，嘛學我去阿伯遐**兩粒。大箍个柚仔，無毒，甜粅粅，閣免錢，哪會遐甘心！>///<