• 
  

標題:

足球冷知識(19) - 請詳細介紹足球評述員盧振喧

發問:

足球冷知識(19) - 請詳細介紹足球評述員盧振喧

最佳解答:

盧振喧的拍擋乃葉觀揖 (大聲葉，做過獅子山下，去年病逝)。盧振喧是香港電台的講波佬，當時冇人聽商台講波，商業電台由賴端甫和黎紹榮主持，賴汝正同蔡文堅算係商台後期較知名的代表 (林尚義首先在港台，其後去商台，但那已是葉、盧二人之後了。 盧振喧以筆名「原子塵」在《香港時報》寫球評(波經)。唔講你唔知，當年南精大戰前後，香港時報由於足球版勁，早上8點左右可以賣斷市。 葉、盧二人在電台評述，正是香港足球的黃金時期，南華、星島、九巴、東華等各領風騷，張氏兄弟、姚卓然、何祥友、黃志強、林尚義、劉建中...人材輩出，至於胡國雄、尹志強等，當時尚未出道。當年在轉播足球時，創造出很多足球形容詞，如，沙塵渾渾殺錯良民，天后廟賀誕，擅琵琶，通坑渠，抄芥蘭，撞牆式和撜龍舟等等，等等！ 何志平亦有在其文章提到葉、盧二人在電台評述如何生動有趣，曾効力流浪及精工的居里的花名耶穌就是他們取的。

其他解答:

足球場上的「三閘線」在哪裡和為何叫做「三閘線」? 一齊答你呢兩個問題。 三閘線呢個詞用咗好耐，係香港獨有，年輕球迷都不知典故，六七十年代講波人盧振喧、葉觀楫講波時成日講。 簡單來講，龍門嘅第一道閘門係keeper，第二道閘係後衛，左右後衛點解叫左右閘? 因為佢地好以度鐵閘由兩邊向中間拉埋嚟咁。三閘線係中圈與峨眉月頂之間的地帶，此為第三道閘之所在。三閘線?是防守方防守中場與攻擊方攻擊中場及playmaker最活躍的地方。 又關阿叔事？流浪當年三鬼拍門阿叔都未講波。 其實風水學有所謂五鬼拍門，係最差 既格局。咁啱70年代由流浪畢特利引入外援(蘇格蘭為主)，球圈就用三鬼拍門嚟形容派三隻鬼做前鋒去攻門 (其實當年流浪確實有三鬼:居里、遮律同端纳，不過只係居里同遮律係前鋒)。到今天，三鬼拍門就演變成為打三個前鋒的陣式。 那位先用三鬼拍門這詞就真係無從稽考，可能係葉觀楫，可能係盧振喧(當時佢地講波)，可能係香港時報記者(當時最權威足球版)。

•