詞:陳達儒 曲:蘇桐  主唱：胡美紅

公園路月暗暝　東平　只有幾粒星　
伴著阮目屎滴　不敢出聲獨看天　
想彼時雙人　結合　好情意　想今日身軀　不是普通時

　口白（一）：吳先生　阮已經無來離開病院看護婦生活是味用了　阮是信賴你的話　信賴先生你的人格　但是現在的阮不是普通的身軀了　

公園邊杜鵑啼　更深　露水滴白衣　
心憂悶無元氣　煩惱身中的子兒　
為難事不敢　對人亂講起　阮運命現在　親像在水墘

口白（二）：事到如今　最煩惱是身中這個囝仔　不久欲來出世　你若無對父母表白允准你咱結婚　阮也無面通見社會的人　全望先生不通忘記　初戀的勇氣才好　
　
公園內花香味　花香　可比阮舊年　
叮嚀哥要會記　不通愛花不愛枝　
阮心內為哥　無變愛到死　阮一生不知　幸福抑是悲　


公園路雨毛毛　單身行出病院門　幸福夢今無映　
愈想愈恨割心腸　為著伊有厝變成不敢返　可恨伊放阮母子誰擔當

口白（一）薄情郎，阮是信賴你一個人格者，是一個有責任人，誰知你所講的話全是花言巧語，一時你走避，身中囝仔出世日子迫近，已經難得再瞞社會的耳目，有厝變成不敢倒返，母子前途，叫阮怎樣才好。

公園路春天後　兩平蟲聲亂操操　薄情郎做伊走　
這款愛人誰敢交　想幼子出世日子已經到　可恨伊僥心絕情無回頭

口白（二）想起初戀，每晚相親相愛，行著這條公園路，何等快樂甜蜜，愛情結合期待幼子出世，會得創成幸福家庭，再三再四望你不通昧記，意外盡盡誤，變成一場空夢的青春悲喜曲，吳先生，你真真害人不淺啊！

公園路孤單行　手提包袱哭出聲　求幸福變歹命　
咬牙切齒叫君名　無想阮應該也著想親子　可恨伊害阮墜落烏暗城