1.《愛博卡慘死》——台語順喙歌 

透早上班腦頓頓

目睭瞇瞇人迣神

若不是俺某叫起床

恐惊一醒日曝跤倉

「老仔！你佇衝啥？」

額頭親像堵著壁

舉懸一看剉一銩

「總ㄟ！歹勢啦。」

※          ※          ※

昨昏博茭輸蓋濟

咀仔開開像鬼差

若毋是朋友托咧走

恐惊輸甲燙褲哉

「老仔！行乎好蛤！」

軟腳由人扶佇行

越頭苦笑講一聲

「兄弟！擼力哦。」

※          ※          ※

下晡請假無心晟

心頭抓定坐咖啡廳

若毋是家己想肖貪

哪會舞甲遮青慘

「老仔！卡精神咧。」

挺胸夯頭向前看

徛起來，唱一首

「愛拚才會嬴！」

………………………………………………………………

2.《公孫鬥咀鼓》

孫：「阿公，你毋是講過要攜我去看歌仔戲？哪會無信

用？」

公：「囝仔人有耳無咀，聽聽ㄟ就好。」

孫：「你意思講話無準算？」

公：「阿公曷無閒。」

孫：「阿公無閒擱會當去茶店仔揣查某。」

公：「死囝仔，你黑白講啥？」

孫：「才無咧！有一工惦巷仔底吾偷看著阿公佮人佇玩親親。」

公：「哎喲！狼碰哉死囝仔！做甲去乎你堵著。」

孫：「阿公賣見笑，羞羞羞！」

公：「死囝仔你啊！甲我凍ㄟ嘜走，毋要攜你去看歌仔戲矣。」

孫：「毋要就汰，我俾佮阿嬤講，講你賣見笑。」

公：「來來，阿公此把糖仔乎你食。」

孫：「啥咪糖仔？」

公：「是麥芽膏。」

孫：「足好吔！阿公，咱又擱相好啊！來，打勾勾蓋章。」

公：「……」