戇人節快樂

2014.4.1 洪步浪 時事有感

雨水嘛已經過，

驚蟄嘛已經過，

春分嘛已經過，

春天哪會猶遮爾寒？

戇人的季節，

逐家生日快樂喔！

我哪會是戇人？

予人創治毋知，

無，敢會是巧巧人？

Ú-suí mā í-king kè,

Kenn-ti̍t mā í-king kè,

Tshun-hun mā í-king kè,

Tshun-thinn ná ē iáu tsiah-nī kuânn?

Gōng-lâng ê kuì-tsiat,

Ta̍k-ke sinn-li̍t khuài-lo̍k ooh!

Guá ná ē sī gōng-lâng?

Hōo-lâng tshòng-tī m̄-tsai,

Bô, kám ē sī khiáu-khiáu-lâng?