永遠十八歲—同窗會

接著一通電話講伊是×生,認做是職場的朋友,這久無聯絡,毋知伊欲講啥物,半分鐘了後知影是同學,做一下輕鬆起來,一講欲歸點鐘。

拍開信箱,內底同學錄猶原保留轉學同學的姓名,雖然電話、住址、信箱攏空白,英年著離開咱的×德,位置嘛留稠咧,無論流轉到佗位,永遠懷念伊。

佇抑無心防以前共大家熟姒,毋管畢業幾冬,擱再見面攏假若十八歲,轉去到上青春誠懇的時代,有三暝三日嘛講袂完的話。翕相的無擱再翕相,編校刊的換寫台語文,有人事業成功,有人生四胞胎,有人發福,有人同款尪仔面,雖然心境佮機緣各人無相同,無論安怎變,永遠是十八歲彼時陣的感情。