母囝連心

■深情的呼喚

2000年四川一位19歲的查某老師高華，騎機車無細膩摔一下著重傷，送病醫急救，雖然外傷好啊，人猶原是昏迷不醒，醫師判斷可能永遠變成做植物人。

伊的老母不忍心，期待查某囝會復原起來，逐工覆佇查某囝的耳空邊講故事，一工講五點鐘。一工過一工，一年過一年，老母的慈心一直相信總有一工查某囝會好起來，會叫伊一聲「媽」！伊無斷站，按呢繼續講落去。

皇天不負苦心人，有一工，奇蹟出現，已經昏迷四冬的查某囝忽然間精神起來，精神的第一句話「媽！」。