禪師的別世 

日本田路禪師欲過身的時，弟子圍咧伊的四箍輦轉。有一個弟子知影大師上合意食某一種糕仔，揣了規半工，揣遍了東京糕餅店，真無簡單才買著即種點心。 

　　當伊將點心獻予禪師，禪師人已經足虛弱，不過伊亦是現出歡喜的微笑，出力慢慢仔食、慢慢仔哺。食完無偌久身軀愈來愈軟弱，干礁偆一個氣絲仔。 

眾弟子趕緊圍徛去，請大師做最後的開示，大師應講：「好！」弟子足逼切、足期待，將頷仔頸伸甲長長長講：「請師父開示。」 

「哇！彼塊糕仔確實真好食。」講完，禪師就過氣啊！ 

　　◎摘譯自天下文化出版社汪芸、干而彥譯《生死之歌》