生死自在

以前佇五台山的山頂，有一位修行者叫隱峰禪師，欲死進前就共眾弟子宣佈講：「某時某日我就欲來去唉，若閣有問題就愛緊問。」

　　私底下眾弟子議論紛紛，有人表示懷疑，就講：「師父猶是遐爾康健，那有可能喝走就走咧 ?」

　　「毋著！師父是袂打妄語，阮相信師父正港是欲入涅槃！」話講煞，突然間煞恬靜落來，無偌久就傳來嗤嗤嗆嗆（tshi-tshi-tshng3-tshng3）咧吼的聲音。

　　時間到彼一工，禪師就問眾弟子 :「除了倒咧死，坐咧死，恁敢捌聽人講徛咧死？」徒弟有人應聲：「有！」

禪師閣問講：「敢捌聽過倒頭栽死的 ? 」徒弟有人應聲：「無咧！」

禪時就講：「那按爾我就倒頭栽死予恁看覓咧！」禪師就隨倒頭栽，一下

久已經無咧喘氣唉，身軀照常倒頭栽。有弟子出力欲共偃予倒，攏捒袂振動。

後來，隱峰禪師出家的小妹來到位，對禪師講：「阿兄！你在生就足爻變怪，死了仝款原性不改，你莫閣變怪啦！」

話一講完，禪師煞精神起來，將身軀回復予徛正正講 : 「按爾死，袂用得否 ? 無，我就倒咧死好啦！』禪師閣倒落去，有影真正死去無閣起來唉！