澎湖遊記11－澎湖二崁褒歌

千古的傳唱、詠誦－浪漫、悲戀、歡謔

二崁褒歌有規矩，人情世事攏總有，褒歌那無到四句，掠來斬頭搵火灰汝那褒歌這呢會，問汝台灣幾條溪，台灣溪水毋免算，問汝目眉幾支毛有翁生囝是本領，無翁生囝娘才情，警察若知賞一等，朋友若知第一名楊桃好食結五溝，小妹徛置厝邊兜，吹風落雨未得到，呼豬呼狗做號頭人種金瓜像飯斗，阮種金瓜像茶甌，人嫁翁婿遮緣投，阮嫁翁婿齴牙猴人種旱藷拋過溝，咱種旱藷未落頭，人交朋友白泡泡，咱交朋友紅目猴頭殼若痛鬢邊彈，腹肚若痛暢心肝，若有阿哥通來看，烘爐拍熄（hua）藥免煎

六月芥菜假有心，菜籃貯水呼哥啉，菜籃貯水那會有，石頭落水嘛會浮一隻帆船頭痀痀，雙爿划水尾後搖，衫褲拍澹被娘笑，那無艱苦爭未著兩條菜瓜平平大，大條食了細條柯（kua），阿娘等翁未得大，不如跳海較快活

一日食飽無煩惱，煩惱姻線無下落，一日食飽煩惱便，煩惱有老無少年查甫若僥（hiau5）路旁屍，查某若僥雷拍死，當天咒詛食灰酒，水潑落地難得收

十八送君去台灣，目箍汝紅我也紅，含著目屎成斤重，滴落土腳土一空李仔好食粒粒脆，娶著歹某毋歸家，一日食飽門口坐，心肝串想少年家日間無聽我君聲，夜間無看我君影，我君出外這歹命，夫妻叫做空殼名天頂落雨地下淹，世間無人這僥心，無情無義真殘忍，腳帛洗水毋汝啉 

下圖1.

皮鞋襯衫海結頭，手錶斾鍊掛胸溝，這是佗位的痟狗，行過阮厝無越頭

下圖2.

閃來閃去閃過年，傱來傱去傱南北，人若落魄免失志，總有一工出頭天