慈烏夜啼    白居易

慈烏失其母，啞啞吐哀音，晝夜不飛去，經年守故林，夜夜夜半啼，聞者為沾襟，
聲中如告訴，未盡反哺心，百鳥豈無母，爾獨哀怨深，應是母慈重，使爾悲不任。

【台文譯】
烏鴉失慈母，叫聲哀淒淒，規年踮樹林，暝日不肯出，夜夜思親娘，更深哮不住，聲聲吐慚愧，未盡孝養心，人聞心頭酸，目紅滴珠淚。禽鳥豈無母，獨賰伊一个，悲怨深如海。應是疼囝入心腹，才會思母苦慼肝膽碎。

遊子吟 孟郊

慈母手中線，遊子身上衣；臨行密密縫，意恐遲遲歸。誰言寸草心，報得三春暉？

【台文譯】
一針一線是阿母的疼愛，是乖囝的新衫；想著囝兒欲出家門，衫著紩互較沈寔咧！毋知底時伊則會轉來。唉！啥人會知影？序細簡若像一支草仔的孝心，按怎會當報答……親像規个燒烙春天的日頭光，赫大的恩情？

堂上春　　　劉獻廷

誰將堂上春，得比春日時，日入光更出，親老無重歸，
誰將人子心，得比庭前草，春風日日吹，草色年年好。

【台文譯】
啥人將厝內兩位老大人，佮春天日頭比並。日頭落山會佫浮起來，雙親是一日一日老，絕對無法度變少年。序細若親像門口埕兮草仔枝，卻是春風日日吹，草色年年青！