翁佮某，旗佮鼓

男大當婚，女大當嫁

無婦不成家，無夫不成室。前世有緣今世結。共桌食，共床睏，嘛是緣份。人人嫁翁傳後世。無某無猴，穿衫破肩頭。男無妻無主。女無夫身無主。姻緣到，毋是媒人爻。娶著好某，較好作祖：娶著歹某，一世人艱苦。嫁著好翁好佚陶，嫁著歹翁不如無。嫁著歹翁，絕三代。娶著歹某，較慘三代無烘爐，四代無茶鈷。娶著好某，一個某較好三身天公祖。嫁著好翁，一個翁某較贏三個序大人。

門當戶對

第一門風、第二祖公，第三秀才郎。做田著愛好田底，娶新婦普愛有好娘嬭。揀後注，毋免揀大富。會揀揀人頭，未揀揀門頭。嫷痞無塊比，佮意較慘死。生緣免生嫷，生嫷無緣上克虧。揀新婦揀一個，揀囝婿揀一家。做田愛有好田底，娶新婦愛有好娘嬭。

選翁：一錢、二緣、三嫷、四少年。一錢財、二人才、三 

      詼諧。一錢，二緣，三嫷，四少年，五敢，六好

      膽，七皮，八綿，九跪，十沽情。

揀某：身體健康，學問普通，算盤會摸。娶某取德毋取

      色，交友交心毋交財。揀新婦，揀一個；揀囝婿，

      揀一家。

相處

頂半暝鳥鼠咬恁的粟，下半暝鳥鼠咬咱的粟。為著某，雙腳擂戰鼓。某若會食氣，尪著會掌志。翁會趁，某會儉。有志氣的查甫會掌志，有志氣的查某會伶俐。嫷花佇別人欉，嫷某佇別人房。嫷查某是過路人。好友不如牽手，翁某是自己人，朋友是別人。千個兄弟哥，毋值一個家內婆。家欲齊置兩犁，家欲破置兩妻。別人妻，睏未過五更。翁仔某，食菜脯。翁仔某同甘共苦。夫婦，相敬如賓。翁某，尪仔某褲帶結相黏。翁生某旦，食飽相看。翁佮某，旗佮鼓。歹鑼累鼓，歹翁累某。好狗毋咬雞，好漢毋拍某。驚某大丈夫，拍某豬狗牛。翁婆翁婆，床頭拍床尾和。翁某無歹隔暝。

惜緣

翁某第一親。無冤無家，不成夫妻。翁某是相欠債。前世有結今世緣。前世無事，毋成翁某。共桌食共床睏，嘛是緣份。親，未贏過父母；好，未贏過翁某。翁某第一親。百世修來同渡船，千世修來共枕眠。翁某，相惜過一世人。看某嫷，無酒也天天醉。嫁雞綴雞飛，嫁狗綴狗走，嫁乞食揹茭薦斗。寒窯雖破避風雨，夫妻恩愛苦也甜。歹歹翁，食未空。翁仔某無相棄嫌，菜脯根罔咬鹹。翁某若共心，烏土變成金。穿破才是衣，到老才是妻。

我是針，汝是線，汝是門，我是閂，汝是我心肝，我是汝甘泉，永遠來做伴。