學寫台語文電子報2008-05-25

2008-05-24-文／5656

　　真濟本土語言一直咧消失，因為老一輩漸漸返去，少年輩無經過彼個年代所以聽無，當然亦昧曉講。

　　又，科技進步的新時代，真濟科技新產品的名稱若毋是華語，就是外國語言。就台北參高雄的「捷運」來講，當然如果直接翻譯抑無妨，只是毋知敢有人聽有。

　　前，有人討論捷運站「巨蛋」站的台語愛怎樣講才正確？

「大卵」、「大粒卵」、「巨卵」？

　　一擺我參查某子去吃麵，麵店生意好到愛排隊；吃物件愛排隊我是無按尼的耐心 ， 所以就到隔壁攤吃。

　　第二工我參查某子閣去吃，就問頭家娘講：「昨，火燒市喔？」

　　頭家娘講：「唷，抑不知是啥物原因，武攏昧去！」

　　我就滾耍笑講：「後擺偌這種情形，就摃電參我講，我來逗切滷菜嘛好。」

　　頭家娘講：「有影才當講！」

　　我講：「當然有影！」

　　查某子聽到一個面霧颯颯，等阮開講完問講：「媽媽，啥物叫做火燒市，又啥物叫做摃電？」

　　哈！一個年代一種言詞，母語就是按尼充滿反應當初彼個年代真實的生活，少年無走過的年代當然需要老一輩來解說，才會當明白一寡話參當時的生活背景有真大的關係。

　　　註解 . ：

　　　　　　火燒市→形容生意很好。

　　　　　　摃電→打電話

【鳳梨炒肉】圖 文／5656

　　這陣鳳梨正對時，鳳梨除了是真好的水果以外，醃豆鼓了後亦真好料理；其實生鳳梨亦真好落菜喔！

鳳梨有酵素炒肉有軟化肉絲的作用，今日我用生鳳梨來抄豬肉。

　　材料 .. 新鮮鳳梨半粒或四分之ㄧ粒切小片（看人數） .. 豬肉片或肉絲掺稍寡太白粉拌 .. 豆鼓稍寡，（豆鼓愛買無抽過油的較芳較好吃） .. 二支蔥切大截 .. 敢吃辣就切一條辣椒。

　　作法 ..

　　　　　蔥截（有辣椒亦落鼎）先炒芳，囥鳳梨豆鼓落鼎炒到出味，閤來落肉片，做伙熱火兩三下炒熟，先試過鹼淡才調味（因為鳳梨、豆鼓本身有味），裝盤阿就會使捧上吃飯桌頂囉。

　　＊ . 有吃素食的朋友將豬肉改作素肉炒，聽伊講亦真好 吃喔。

歡迎訂閱 學寫台語文電子報^_^ 

◎ 若您想訂本電子報有一個上方便的方法，就是請您將您的電子信箱 寄到

w565656@yahoo.com.tw 

5656會在每期發報時轉寄一份予您

^___^