心欲飛起來(台語)

 公園榕仔下

風寬寬仔吹

恬恬聽，金金看

心若粉鳥飛啊飛

心肝噗噗彩

啊！心愛的人

奔跳而來

心強強欲飛起來

今暝天星有較加

真難得，足歡喜

一粒粒天星

就是飛佇天頂的心

對你𥍉目文文仔笑呢

絲絨雨毛仔

是毋免遮傘的撫摩

親像你的手

勻勻仔落在心肝頭

飛起來的心

聽著你在輕聲細說

無閒上班時

接著囡仔電話

“ 阿爸，我考牢高考囉”

一時歡頭喜面

心攏飛去厝尾頂

熊熊袂記在辦啥勿代誌

誤闖人生迷宮

走不出無解心結

是欲按怎遮好？

管它的

幾罐麥仔酒，一寡小菜

心就飛出迷宮外咧！