擒賊有感 - 調查員的悲哀

今天晚上做了一次好市民       擒賊成功       ......

自己追得緊張，旁人看得興奮！ 倒頭來，滿心悲酸離開現場，只希望這件事從沒發生過。

事發於今晚八時許，在回家途中，看見一名肩掛電腦袋的三十多歲男子匆匆忙忙地跑進地鐵站內，從後追上的三名男女就一直大叫：「有人偷野呀！」......

剎那間，出自本能的反應，我立即緊貼追著走在前面的男子大喝：「藍色衫果個男人停低」﹝雖然明知佢唔會聽我話 ﹞

說時遲、那時快，當我正追到手及之處，他突然停下轉身，剛剛就讓我逮個正著。

在電光火石間，追兵掩至，帶頭的一名男子和被我逮著的懷疑竊匪迅即互相對罵 ......

「先生，多謝你幫手捉到佢，我而家報警」 ......

「喂，報乜野警呀你？ 你做乜追我呀？ 我而家要報警至真，你唔好走呀 」 ......

如是者，兩人分別報警「我在地鐵站口  xxxxx」 .......

「你唔好郁，我報左警。 你係我地大廈開人地屋企門偷野，一叫你就走！」 ......  

「我都話做緊調查囉，你大叫偷野重想打我，點解唔走呀！」 ......

「你用鎖匙開人地門囉，唔係偷野係乜呀？」 ......

「我身上邊度有其他鎖匙呀，自己屋企匙同埋証件就有。 我講左好多次話做緊調查囉」 ......

咁，你有無見到佢偷野呢？ ﹝我開始懷疑﹞ .......

「樓上明明打電話落來話你用鎖匙開人地門架」 ......

「開你個頭，我一想敲門佢就自己開門出來撞到正，唔係我開架！ 做調查犯法架咩？ 我今晚做呢一區，要交八份，只做到四份，唔夠數就無錢收，咪試下敲門囉。 而家搵食艱難呀，最多錯在無在管理處登記，但係咁就比你屈偷野，你有無人性架，你係唔係冷血架！！」 ......

藍色衫的男子突然涕淚直流，作出感人哭訴，也隨即向我展視 ACNielsen 的調查員証，及其電腦袋中的一大疊問卷，足證其所言非虛。 我的心裏頓覺忐忑不安 ......

未幾，孖 beat 警員到場，我搶先講述 brief fact，大意描述所見所聞，並憑初步觀察推斷為誤會﹝否則該男子不會轉身企定等我衝埋去祝佢﹞，接著留下聯絡資料，不安地回家去。

傳聞調查員搵食艱難，隨時跑不夠單而要白做，看來是實情。

我今晚算是做個好市民，還是好心做壞事呢？