師惦阮心內尚深的所在
紫衣真人、三太子慈悲
語寄：師惦阮心內尚深的所在 / 調寄：你惦阮心內尚深的所在

因為貪戀紅塵夢　墬入黑暗路
才會遭受命運的作弄　追求不到幸福
因為感受師的愛　證實道的好
阮也日夜為道奔波　追隨師的腳步
已經慣勢有師的照顧　那失去你　不知未來按怎度
師惦阮心內尚深的所在　陪阮走過歡喜甲無奈
師惦阮心內尚深的所在　今生今世牽連著阮的未來

因為走過道的路　知影徒的苦
才會積極啟化著迷徒　指引光明路途
為要煉就你成果　上天才降考
望你捨棄愛恨情仇　創造美好的前途
諄諄教誨　望你會進步　一舉一行代表為師的舉動
師徒如父子　親情的勸告　修道就不驚半路起風波
師徒如父子　親情的表露　萬殷寄望　恢復著你的當初